][ نصائح بدنياك ][

موضوع: ][ نصائح بدنياك ][ الأحد يوليو 17, 2011 4:09 am

΅΅΅΅΅΅-١-΅΅΅΅΅΅΅΅

لاتحاول إنك تخسر أحد قدر الإمكان
مستحيل إنك تعيش وماتحتاج الناس والزمن ماله أمان.

΅΅΅΅΅΅΅-٢-΅΅΅΅΅΅΅
΅΅΅΅΅΅الـطـيـبـة΅΅΅΅΅΅

الطيبة مطلوبة لكن لها حدود وتدري إن الطييب بهالوقت مجنون يعني مو مع كل واحد تكون طيب معه وإسألني أنا عن الموضوع ذا بالذات والله فيه ناس حرام حتى أن الواحد يبتسم لهم لكن خلها على الله

΅΅΅΅΅΅΅΅-٣-΅΅΅΅΅΅΅
΅΅΅΅΅ الــثــقــة ΅΅΅΅΅

ويانار قلبي من الثقة
لاتثق في آي شخص مهما كان قريب والا بعيد الا بعد ماتجربه مرتين والا ثلاث وتتأكد من نواياه
وإذا بتاثق في كل شخص فتحمل اللي يجيك وبروح رياضية

΅΅΅΅΅΅΅-٤-΅΅΅΅΅΅΅
΅΅΅الــعــاطــفــة΅΅΅΅

وياويلي من العاطفة أحكم قلبك لاتسمح لقلبك في يوم يحكمك إذا سيطر عليك قلبك فتراها كارثة مهما أرتحت
دايم أصدق مع نفسك ومع الناس وأحكم بعقلك ولاتحكم بقلبك أبد
لاتخسر عقلك عشان ترضي قلبك

΅΅΅΅΅΅΅-٥-΅΅΅΅΅΅΅

لاتظن فيه احد بالدنيا بيفضلك على نفسه وبيضحي بمصلحته عشانك مهما قال ترانا في زمن
نفسي نفسي وما أدراك مانفسي
وأنت فاهم وش أقصد

΅΅΅΅΅΅΅-٦-΅΅΅΅΅΅΅
΅΅΅΅ الـــزعـــل ΅΅΅΅

لاتزعل نفسك أبد
الدنيا فانية ومافيه شخص بهالدنيا يستاهل إنك تزعل عشانه مهماكان غالي وآي مصيبة قابلها بابتسامة
ويفرجها الله

΅΅΅΅΅΅΅-٧-΅΅΅΅΅΅΅

تجنب إنك تجرح كرامة أحد مهما كان مخطي كل جرح يطيب الا جرح الكرامة وجرح الإحساس
أفرض على الناس إحترامك
إحترم الناس يحترموك
ومثل ماتعامل الناس يعاملوك

΅΅΅΅΅΅΅΅-٨-΅΅΅΅΅΅΅
΅΅΅΅ الـمـجـامـلـه ΅΅΅΅΅

لاتجامل قد ماتقدر خلك صريح وخلك
راعي كلمة واللي يزعل من صراحتك فتأكد أنه موصادق معك
خلك صريح بس صراحتك لاتجرح أحد يعني باسلوب وبادب ؟

΅΅΅΅΅΅΅΅-٩-΅΅΅΅΅΅
΅΅΅΅΅ الإحــتــقــار΅΅΅΅΅

لاتحتقرآي شخص لا بافعالك ولا بكلامك ولا بالتلميح ولا حتى بالنظر
فأنت لاتدري هذا الشخص من يكون بالغد ولاترضى لغيرك مالا ترضاه لنفسك وإلا فسوف تخسر!...طبعا واضح كلامي

΅΅΅΅΅΅΅-10-΅΅΅΅΅΅΅
΅΅΅΅΅ الــكــذب ΅΅΅΅΅΅

دايم مشكلة الكذاب إنه مايخاف إن الناس يكذبونه لا وهو مايصدق الناس وذي بحد ذاتها مصيبة
والكذب له أسباب منها
عدم الثقة بالنفس واللي مو واثق بنفسه ليه عايش أصلآ
الخوف واللي يغطي بالكذب خوفه مسكين ويكفي
الضعف واللي نفسه ضعيفه الله يعينه

مريض نفسي

΅΅΅΅΅΅΅-11-΅΅΅΅΅΅΅΅
΅΅΅΅΅΅ الــمــدح ΅΅΅΅΅΅

لاتمدح نفسك أبدآ خل أفعالك هي اللي تتكلم عنك و أدري إنك أكبر من هالأسلوب لانه أسلوب إنسان جاهل

΅΅΅΅΅΅-12-΅΅΅΅΅΅΅΅

آخرشي خلك مثل البحر أكتم بقلبك كل شي مثل ما أعرفك
والله الواحد إذا كان بس كلامه
يقولون وفلان قال وماعنده غير قيل وقال فو الله مرة ثانية مافيه خير أبد لا لنفسه ولا لغيره ويكفي أن هالأسلوب أسلوب عجايز ..

< وسلامتكم يالحباااايب >

ربي يديك الف عااافيه
بانتظااار جديدك بكل شوق
ودي لك

جزاك الله خير على الاضاءات القيمه،،
وجعله في ميزان حسناتك
ولا حرمك الاجر,,
ودي..